Sugarcane Juice Facts : उसाच्या रसाच्या एका ग्लासमध्ये किती चमचे साखर असते? तज्ज्ञांनी सांगितलेला आकडा वाचून घाबराल!

उसाच्या रसाच्या एका ग्लासमध्ये किती चमचे साखर असते, तुम्हाला माहितीये? तुम्ही नकळत किती चमचे साखर खाताय हे वाचून तुम्हाला भीती वाटू शकते. याबद्दल 'अमुक-तमुक' या पॉडकास्टमध्ये क्लिनिकल न्यूट्रिशनिस्ट डॉ. अमिता गद्रे यांनी माहिती दिलीय. त्यांनी सांगितलं की, आपण नकळत किती साखर कळतो, हे खूप लोकांच्या लक्षातच येत नाही.

डॉ. अमिता यांनी संगितलं की, एकीकडे लोक साखर खाणं बंद करतात किंवा कमी करतात. पण दुसरीकडे ग्लासभर उसाचा रस एकाचवेळी पितात. आपल्या हे लक्षात येत नाही की, साखर उसापासूनच बनते. त्याच्या नावातच साखर आहे. उसाचा रस आपण जो उसाचा रस घेतो, त्याच्या एका ग्लास मध्ये म्हणजे 200Ml च्या एका ग्लासमध्ये तब्बल 7 चमचे साखर असते.

एवढी साखर आपण एकाच वेळी एका उसाच्या रसामधून घेतो. आपण जर 7 चमचे साखर सॉलिड फॉर्ममध्ये खायचं ठरवलं तर ते आपल्याला शक्य होत नाही. कारण एका चमच्यानंतरच ती आपल्याला इतकी गोड लागते की त्यापेक्षा जास्त आपल्याला ती खाल्ली जात नाही. पण उसाचा रस म्हणजे लिक्विड फॉर्ममधली साखर. या लिक्विड कॅलरीज आपल्या मेंदूमध्ये रजिस्टर होईपर्यंत म्हणजे आपल्या मेंदूला कळेपर्यंत आपण संपूर्ण ग्लास संपवलेला असतो.

- रस्त्याच्या कडेला उघडपणे विकल्या जाणाऱ्या उसाच्या रसात जिवाणू आणि घाण असू शकते. यामुळे पोटाच्या आजारांचा धोका वाढतो.

- काही लोकांना उसाचा रस प्यायल्यानंतर पोट फुगणे किंवा जुलाब असे त्रास होऊ शकतात.

- जास्त प्रमाणात उसाचा रस प्यायल्यानं शरीरातील कॅल्शियम-फॉस्फरसचं संतुलन बिघडू शकतं. यामुळं हाडांवर परिणाम होण्याची शक्यता असते.

- काही लोकांना उसाचा रस प्यायल्यानंतर शरीरावर खाज सुटणे, सूज येणे किंवा श्वास घेण्यास त्रास होऊ शकतो.

Disclaimer : या बातमीत दिलेली माहिती आणि आरोग्याशी संबंधित सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून, डॉक्टरांचा सल्ला घेतल्यानंतरच काहीही वापरा. त्याच्या वापरामुळे होणाऱ्या कोणत्याही नुकसानासाठी न्यूज-18 जबाबदार राहणार नाही.