Eye Care tips: सतत डिजीटल स्क्रिनवर काम करत आहात मग तुम्हाला होऊ शकतो ‘हा’ आजार; अशी ‘घ्या’ तुमच्या डोळ्यांची काळजी

मुंबई: आजच्या धकाधकीच्या जीवनात अनेकांना तणाव सहन करावा लागतो. कधी हा तणाव मानसिक असतो तर कधी शारीरिक. मात्र तुम्हाला माहिती आहे का तुमच्या कळत नकळत तुमच्या डोळ्यांवर आणि पर्यायाने तुमच्या मेंदूवर ताण येतोय ते. अनेकांच्या दिवसाची सुरूवात ही मोबाईल पाहाण्याने होते. सकाळी हातात आलेला मोबाईल हा रात्री उशीरा झोपेपर्यंत सोबतीलाच असतो. ऑफिसमध्ये आल्यावर लॅपटॉप किंवा कॉम्प्युटर स्क्रीनवर काम हे ओघानेच आलं. रात्री घरी आल्यावर पुन्हा टिव्ही पहाणं आलंच. तुम्ही कधी विचार केलाय की या सगळ्या स्क्रिन्सचा तुमच्या डोळ्यांवर आणि मेंदूवर किती विपरीत परीणाम होत असेल ते ? या सगळ्यामुळे तुम्हाला फक्त डोळ्यांचेच नाही तर मेंदूचे अनेक आजार होऊ शकतात.