Summer Health : थंड पाण्यासाठी माठ वापरताय? मग 'ही' चूक टाळा, नाहीतर हेच पाणी बनेल विषबाधेचं कारण!

माठ चांगल्या प्रकारे स्वच्छ केलेला नसल्यास त्या पाण्याचे गंभीर परिणाम आपल्या शरीरावर होऊ शकतात. स्वच्छ न धुतलेल्या माठात कीटकांच्या अळ्या असू शकतात. याला काही गोष्टी कारणीभूत असतात. तुम्ही माठ व्यवस्थित झाकून ठेवला नसेल किंवा माठ वेळोवेळी धुतला नसेल तर त्यामध्ये कीटकांच्या अळ्या होण्याची शक्यता वाढते. त्याचबरोबर जर तुम्ही माठ पूर्ण रिकामाच होऊ दिला नाही आणि त्यात पाणीभरतच राहिलात तरीही त्यामध्ये अळ्या होण्याची शक्यता वाढते.

सर्वात आधी तर माठ योग्य पद्धतीने स्वच्छ करावा. यासाठी एखाद्या रोज माठातलं पाणी संपल्यानंतर तो स्वच्छ कापडाने पुसून घ्या आणि नंतर पाण्याने धुवा. तुम्ही आणखी एक उपाय करू शकता. माठ पूर्णपणे रिकामा करा आणि स्वच्छ पाण्याने धुवून नंतर त्यामध्ये पाणी भरा. सर्वात महत्त्वाचं म्हणजे माठ नेहमी झाकून ठेवा. माठात पाणी भरताना ते नेहमी स्वच्छ, गाळून भरा. यामुळे माठात कोणत्याच प्रकारचा कचरा जमणार नाही.

दर तीन ते चार दिवसांनी माठ डीप क्लीन करायला हवा. शिवाय तुम्हाला माठाच्या पाण्यात फेस दिसला तर, तो लगेच स्वच्छ करा. रोज एकदा भांड्यातील सर्व पाणी काढून टाका आणि त्याच्या रंगात काही बदल झाला आहे का ते तपासा. रंग बदलल्यास माठ लगेच स्वच्छ करा. दर 3-4 दिवसांनी कोमट पाणी आणि मऊ ब्रशने हळुवारपणे घासून भांड्याचा आतील भाग पूर्णपणे स्वच्छ करा.