Okra water benefits: आरोग्याच्या फायद्याचं आहे ‘या’ भाजीचं पाणी, ॲसिडिटीसह अनेक गंभीर आजार पळतील दूर

सर्वसामान्यपणे भेंडीला इंग्रजीमध्ये लेडी फिंगर जरी म्हणत असले तरीही भेंडीचं पाणी हे ओक्रा वॉटर नावाने जास्त प्रसिद्ध आहे. भेंडीमध्ये विरघळणारं फायबर असतं, जे आतड्यांच्या आरोग्यासाठी फायद्याचं ठरतं. भेंडी पाण्यात उकळून ते पाणी नियमितपणे प्यायलं तर ते आपल्या शरीरातील अशुद्ध पदार्थ सहज शरीराबाहेर  काढून टाकायला मदत होते. भेंडीचं पाणी प्याल्याने पोट आतून स्वच्छ व्हायला मदत होते. त्यामुळे पचनक्रिया सुधारून अपचन, बद्धकोष्ठता, गॅसेस आणि ॲसिडिटीचा त्रास कमी व्हायला मदत होते. भेंडीच्या पाण्यामुळे शरीरातली अतिरिक्त चरबीही जळायला मदत होते. यकृतापासून मूत्रपिंडापर्यंतच्या अनेक आजारांवर भेंडीचं पाणी खूप फायदेशीर ठरू शकतं. नियमितपणे भेंडीचं पाणी प्यायल्याने रोगप्रतिकारक शक्ती वाढून हंगामी आजारांना दूर ठेवता येतं.