Shoulder Pain : खांद्यामध्ये होतायत तीव्र वेदना? 'ही' असू शकतात कारणं, इंस्टंट रिलीफसाठी वापरा 'हे' उपाय

तुमची बसण्याची किंवा झोपण्याची पद्धत चुकीची असल्यास, खांद्यांच्या स्नायूंवर ताण येतो, ज्यामुळे वेदना होतात. तसेच, जास्त व्यायाम किंवा वजन उचलल्याने स्नायू दुखू शकतात.

या स्थितीमध्ये खांद्याचे सांधे खूप घट्ट होतात, ज्यामुळे खांद्याची हालचाल करणे कठीण होते. यामध्ये तीव्र वेदना आणि हालचाल कमी होणे ही प्रमुख लक्षणे आहेत.

जर तुम्हाला अचानक खांद्यात वेदना सुरू झाली असेल, तर त्वरित बर्फाचा शेक घ्या. एका टॉवेलमध्ये बर्फ घेऊन वेदना होत असलेल्या जागेवर 15 ते 20 मिनिटे लावा. यामुळे सूज आणि वेदना कमी होण्यास मदत होते.

खांद्याच्या स्नायूंना आराम देण्यासाठी काही हलके व्यायाम करा. जसे की, खांदे हळू हळू गोलाकार फिरवणे किंवा हाताला विरुद्ध दिशेने ताणणे. हे व्यायाम वेदना कमी करण्यास मदत करतात.

खांदेदुखी होत असताना जास्त काम किंवा हालचाल टाळा. खांद्यांना विश्रांती दिल्यास स्नायू लवकर बरे होतात. तुम्ही हलक्या हातांनी मालिश देखील करू शकता, पण जास्त दाब देऊ नका.

जर घरगुती उपायांनंतरही वेदना कमी होत नसेल, ती खूप तीव्र असेल किंवा खांदा अजिबात हलवता येत नसेल, तर त्वरित डॉक्टरांचा सल्ला घ्या. हे एखाद्या गंभीर समस्येचे लक्षण असू शकते. खांदेदुखी टाळण्यासाठी योग्य मुद्रा आणि नियमित व्यायाम करणे महत्त्वाचे आहे. पण, जर वेदना गंभीर असेल, तर योग्य उपचारांसाठी डॉक्टरांना भेटणे सर्वात महत्त्वाचे आहे. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)