Ginger Halwa : थंडीच्या दिवसांत वरदान ठरेल 'आल्याचा हलवा'; खोकला-सर्दी होईल दूर, नोट करा ही सोपी रेसिपी

हो, तुम्ही बरोबर वाचलंत! चवीला चटपटीत आणि शरीरासाठी अत्यंत उबदार असणारा हा हलवा केवळ चविष्टच नाही, तर आरोग्यासाठी एखाद्या औषधाप्रमाणे काम करतो. आज आम्ही तुम्हाला अतिशय सोप्या पद्धतीने आल्याचा हलवा कसा बनवायचा, याची सविस्तर कृती सांगणार आहोत.

दूध: 1 लिटर (पूर्ण क्रीम असलेले दूध वापरल्यास उत्तम)

साखर: आवडीनुसार (किंवा पाऊण कप)

साजूक तूप: अर्धा कप

वेलची पूड: 2 छोटे चमचे

सुका मेवा: काजू, बदाम, पिस्ते (गरजेनुसार)

2. आलं परतून घ्या: एका पॅनमध्ये अर्धा कप साजूक तूप गरम करा. तूप वितळले की त्यात किसलेले आलं टाका. आल्याचा कच्चा वास जाईपर्यंत साधारण 5 ते 7 मिनिटे मंद आचेवर हलके परतून घ्या. आल्याचा रंग थोडा बदलला की समजून जा ते व्यवस्थित भाजले आहे.

3. दुधाचा वापर: आता भाजलेल्या आल्यामध्ये 1 लिटर दूध घाला. गॅसची फ्लेम मध्यम ठेवा आणि हे मिश्रण सतत ढवळत राहा. दूध पूर्णपणे आटेपर्यंत आणि त्याला खोव्यासारखा दाटसरपणा येईपर्यंत शिजवून घ्या. या प्रक्रियेला थोडा वेळ लागू शकतो, पण यामुळेच हलव्याला खरी चव येते.

4. साखर आणि वेलची पूड: जेव्हा दूध पूर्णपणे आटून मिश्रण कढई सोडू लागेल, तेव्हा त्यात साखर आणि वेलची पूड टाका. साखर वितळल्यानंतर मिश्रण पुन्हा एकदा थोडं सैल होईल, त्यामुळे ते पुन्हा 3-4 मिनिटे परता.

4. गार्निशिंग: शेवटी, एका छोट्या पॅनमध्ये थोडे तूप घेऊन त्यावर काजू-बदाम तळून घ्या आणि हे तळलेले सुके मेवे तयार हलव्यावर टाका. तुमचा गरमागरम आणि पौष्टिक आल्याचा हलवा तयार आहे!

सर्दी-खोकल्यापासून आराम: हिवाळ्यात घसा खवखवणे किंवा जुनाट खोकला असल्यास हा हलवा अत्यंत गुणकारी ठरतो.

पचनशक्ती सुधारते: आलं पचनासाठी उत्तम मानले जाते, त्यामुळे जेवणानंतर थोडा हलवा खाल्ल्यास पचन नीट होते.

शरीरात उब निर्माण करतो: थंडीच्या दिवसांत हा हलवा शरीराला आतून ऊब देण्याचे काम करतो.