Fasting Recipe: आषाढी एकादशीला बनवा रताळ्याचे गुलाबजाम, रेसिपी अशी की बोटं चाखत बसाल!

उपवासासाठी रताळ्याचे विविध पदार्थ बनवले जातात. अनेकांनी रताळ्याची भातवडी, रताळ्याची खिचडी खाल्ली असेल. परंतु, रताळ्याचे गुलाबजाम देखील अत्यंत चविष्ट लागतात. अगदी झटपट आणि कमी साहित्यात ही रेसिपी तयार होते. तसेच अगदी खव्याच्या गुलाबजाम सारखेच चवीला उत्तम गुलाबजाम तयार होतात.

रताळ्याचे गोळे तळून झाल्यानंतर थंड होण्यासाठी बाजूला ठेवून द्यायचे. साखरेचा पाक बनवण्यासाठी एक वाटी साखर आणि एक वाटी पाणी एकत्र करून उकळून घ्यायचं. त्यानंतर त्यामध्ये इलायची पावडर टाकायची आणि केसर उपलब्ध असेल तर केसर टाकायचे. अशाप्रकारे चांगला पाक तयार करून घ्यायचा. पाक थंड झाल्यानंतर आपण जे गुलाबजाम तयार केलेले आहेत ते त्यामध्ये टाकून द्यायचे.

साधारण 15-20 मिनिटं गुलाबजाम पाकात ठेवायचे. त्यामुळे पाक पूर्णपणे त्या गुलाबजाम मध्ये जाईल. अशा पद्धतीने हे रताळ्याचे गुलाबजाम तयार होतात. अगदी साधी सोपी रेसिपी तुम्ही आषाढी एकादशीला घरी देखील ट्राय करू शकता.