Coriander Soup: किडनी आणि कॅल्शियमसाठी वरदान कोथिंबीर सूप, घरच्या घरी झटपट कसं करायचं?

कोथिंबीर सूप अगदी घरातील साहित्यापासून बनवू शकतो. त्यासाठी 1 वाटी कोथिंबीर, 2 चमचे भिजवलेले आणि मोड आलेले मूग, 3 ते 4 लसणाच्या पाकळ्या, अद्रकचा तुकडा आणि एक हिरवी मिरची, काळीमिरी पावडर हे साहित्य लागेल.

सर्वप्रथम एका कढईमध्ये 3 वाट्या पाणी घ्यायचं. त्यामध्ये मोड आलेले मूग घालून त्याला उकळून द्यायचे. त्यामध्ये कोथिंबीर टाकायची आणि लगेच मूग आणि कोथिंबीर काढून घ्यायची. मिक्सरच्या भांड्यामध्ये कोथिंबीर, मूग, लसूण, आद्रक, एक हिरवी घ्यायचे आणि पाणी टाकून हे एकत्र एकजीव करून घ्यायचं. त्यानंतर सर्व हे मिश्रण गाळणीने गाळून घ्यायचं आणि गॅस वरती ठेवून त्याला एक उकळी येऊ द्यायची. चांगली उकळी आल्यानंतर त्यामध्ये थोडीशी काळी मिरीची पावडर टाकायची. अशा पद्धतीने अगदी 5 ते 10 मिनिटांत सूप बनवून तयार होतं. त्यात आवश्यकतेनुसार लिंबू देखील टाकू शकता, असं डॉक्टर तल्हार सांगतात.