खव्याची गरजच नाही! दिवाळीला बनवा मथुरा स्टाईल पेढे, अगदी सोपी रेसिपी

एक वाटी मिल्क पावडर, पिठी साखर, साजूक तूप, अर्धा वाटी दूध, जायफळ आणि वेलचीची पावडर एवढंच साहित्य लागेल.

सर्वप्रथम गॅस वरती एक पॅन घ्यायचा. त्यामध्ये एक चमचा तूप टाकायचं आणि एक वाटी मिल्क पावडर टाकायची. मिल्क पावडर व्यवस्थित रित्या भाजून घ्यायची. जोपर्यंत त्याला ब्राऊन रंग येत नाही तोपर्यंत ते भाजत राहायचं. त्यानंतर त्यामध्ये दूध टाकायचं. दूध थोडं थोडं टाकत व्यवस्थित रित्या एकजीव करून घ्यायचं आणि त्यात साखर टाकायची. साखर ही तुम्ही तुमच्या चवीनुसार टाकू शकता. म्हणजे तुम्हाला जास्त गोड पाहिजे तर तुम्ही जास्त साखर टाकावी आणि तुम्हाला जास्त गोड नको असेल तर 3-4 चमचेच साखर टाकावी.