बाप्पांसाठी बनवा खास नैवद्य, पान गुलकंद मोदक रेसिपी माहितीये का? Video

पान गुलकंद मोदकासाठी 10 ते 15 विड्याची पाने लागतात. 1 वाटी खिसलेले खबरे, साखर, कंडेन्स्ड मिल्क, साजूक तूप, गुलकंद या साहित्यात अगदी सोप्या पद्धतीनं मोदक बनवता येतात.

पहिल्यांदा विड्याची पाने स्वच्छ धुवून घेऊन त्यात 2 ते 3 चमचे कंडेन्स्ड मिल्क घालून घ्यावे. त्याची पेस्ट करून घ्यायची. मंद आचेवर एका पॅनमध्ये खोबरे, तूप घालून थोडे परतवून घ्यायचे. त्यात 3-4 चमचे साखर आणि पानाची पेस्ट घालून घ्याची. गॅस बंद करून सर्व मिश्रण मिक्स करून घ्यायचे. मिश्रण थोडे थंड झाल्यावर मोदकांचा साचा घेऊन त्याच्या दोन्ही बाजूने तूप लावून घ्यायचे. त्यात खोबऱ्याचे सारण व्यवस्थित भरून घेउन त्यात मधोमध गुलकंद भरायचा. साचा नीट बंद करून खालूनही सारण नीट भरून घेतले की हलक्या हाताने साचा उघडावा. आपला पान-गुलकंद मोदक तयार होतो.