नॉनव्हेज प्रेमींसाठी पर्वणी, मुंबईत या ठिकाणी मिळतो स्पेशल बटर चिकन शोरमा, दरही अगदी कमी

मुंबई : चिकनपासून बनवलेले पदार्थ अनेकांना आवडतात. असे खूप लोक असतात, जे चिकनपासून बनवलेले पदार्थ खाण्यासाठी वेडे होतात. तुमच्यापैकीही अनेकांनी आतापर्यंत चिकनपासून बनवलेले चिकन फ्रँकी,चिकन रोल यासारखे पदार्थ खाल्ले असतील. मात्र, तुम्ही चिकनपासून तयार होणारा स्पेशल बटर चिकन शोरमा हा पदार्थ खाल्लाय का आणि तोही फक्तं 150 रुपयांत आणि मुंबईत. नाही ना. तर मग ही बातमी तुमच्यासाठीच आहे.

मुंबईतील साकी नाका येथे हा स्पेशल बटर चिकन शोरमा मिळतो. हा बटर चिकन शोरमा खूपच स्वादिष्ट आहे. तर मग हा स्वादिष्ट शोरमा नेमका कसा तयार होतो, याठिकाणी लोकांचा कसा प्रतिसाद आहे, याबाबत मोहम्मद एहमद यांनी माहिती दिली.

हा शोरमा बनवताना चिकनचे पिस बारीक कापून त्यामधे मसाला लावला जातो. नंतर रोलिंगचे चिकन कट करून ते भट्टीमध्ये ऑईल फ्राईंग करून बटरमध्ये कापलेले सर्व चिकन मसाल्यांमधे शिजवले जाते. नंतर मैद्याच्या रोटीत सर्व बनविलेले बटरचे चिकन आणि इतर सॅलडचे थर यामधे बीट, फ्रेन्च फ्राइस, कोबी स्लाईड आणि इतर चटणी लावून रोलिंग करून बनविले जाते.