Diwali Special Recipes: चुरोज् खाल्लंय कधी? दिवाळी फराळातला हा खास पदार्थ, यंदा बनवा, रेसिपी सोपी!

छत्रपती संभाजीनगर : दिवाळी आता अवघ्या काही दिवसांवर आहे. हा अनेकजणांच्या आवडीचा सण असतो, आपण त्याची वर्षभर आतुरतेनं वाट पाहतो. कारण या सणानिमित्त घरोघरी रोषणाई तर असतेच, शिवाय फराळाचा सुंगधही सर्वत्र दरवळतो. मागच्या वर्षीपेक्षा यंदा आपला फराळ उत्तम व्हावा असाच आपला प्रयत्न असतो. लाडू, चकली, करंजी, चिवडा, शेवसोबत आपण काही वेगळे पदार्थ बनवण्याचाही घाट घालतो. आपल्यालाही असा वेगळा, हटके पदार्थ बनवायचा असेल तर यंदा चुरोज् नक्कीच ट्राय करू शकता. डॉक्टर प्रज्ञा यांनी या गोड पदार्थाची सोपी रेसिपी सांगितली आहे.

आता पॅनमध्ये साजूक तूप घालून ते व्यवस्थित तापवा. त्यानंतर तयार उकड चकलीच्या साच्यात घेऊन त्यातून चुरोज् पाडा आणि तुपात तळून घ्या. चुरोज् छान ब्राऊन होईपर्यंत तळा.

आता हे सर्व चुरोज् खडीसाखरेच्या पावडरमध्ये घाला. ते व्यवस्थितरित्या साखरेच्या कोटिंगमध्ये राहतील याची काळजी घ्या. मग त्यावर दालचिनी पावडर घाला. आता दालचिनी फ्लेव्हरचे चुरोज् बनून तयार आहेत.

चॉकलेट चुरोज् बनवण्यासाठी आपण जे तळून घेतलेले चुरोज् आहेत त्याला साखरेचं कोटिंग केल्यानंतर वरून आवडीचा चॉकलेट सॉस घाला, मग चॉकलेट चुरोज् बनून तयार होतात. अगदी झटपट होणारी अशी ही रेसिपी आहे.