सकाळच्या नाश्त्यासाठी झटपट तयार करा बीट रूट डोसा, आरोग्यासाठीही फायदेशीर, रेसिपी पाहा Video

1 बीट, 1 वाटी बेसन पीठ, 1 वाटी रवा, हळद, बारीक चिरलेला कांदा, बारीक चिरलेली हिरवी मिरची, ओवा, हिंग, मीठ हे साहित्य लागेल.

प्रथम आपण बीट उकडून घ्यायचे, त्याची मिक्सरमध्ये पेस्ट करून घ्यायची, त्यानंतर एका भांड्यात बेसन पीठ, रवा, हळद, कांदा, मिरची, मीठ, त्यात तयार केलेली बीटाची पेस्ट घालून सर्व मिश्रण मिक्स करून घ्यायचे. मिश्रण करताना थोडे थोडे पाणी घालून मध्यम प्रमाणात घोळ करून घ्यावा आणि 10 मिनिटे मिश्रण भिजू द्या. 10 मिनिटांनी डोसाच्या तव्यावर डोस्याप्रमाणे हे एकजीव केलेले सर्व मिश्रण सर्विकडे पसरवून घेऊन त्याच्या बाजूने तेल सोडून झाकून ठेवावे. 2 मिनटाने झाकण काढून, पलटवून घेऊन थोडे तेल सोडून दोन्ही बाजूंनी छान परतून घ्यावे. अशा प्रकारे तयार आपला गरमागरम आणि पौष्टिक बीट रूट डोसा तयार होतो.

बीट खाणे आपल्या आरोग्यासाठी फायदेशीर आहे असं सांगितलं जातं. बीट हे लोह, जीवनसत्व, फॉलिक आयसिड आणि खनिजांचा चांगला स्त्रोत आहे. बीट शरीरातील हिमोग्लोबिन वाढवते आणि रक्त शुद्ध करते.