Gulpoli Recipe : मकर संक्रांतीला गुळपोळी हवीच, अशी बनवा सोप्या पद्धतीनं घरीच, रेसिपीचा Video
- Reported by:Bhavna Arvind Kamble
- Published by:Mohan Najan
Last Updated:
तिळगूळ घ्या, गोड गोड बोला असं म्हणत मकर संक्रांती साजरी केली जाते. संक्रांतीच्या सणात तिळाचे लाडू, वड्या यांच्यासोबतच अनेक घरांमध्ये खास गुळपोळी केली जाते.
मुंबई : मकर संक्रांत आली की गुळपोळीची आठवण येतेच. तिळगूळ घ्या, गोड गोड बोला असं म्हणत मकर संक्रांती साजरी केली जाते. संक्रांतीच्या सणात तिळाचे लाडू, वड्या यांच्यासोबतच अनेक घरांमध्ये खास गुळपोळी केली जाते. थंडीत उष्णता देणारी आणि गोडव्याने नात्यांत गोडवा वाढवणारी ही गुळपोळी कशी करायची याची रेसिपी पाहूयात.
गुळपोळी साहित्य
कणीक (पोळीकरिता):
गव्हाचे पीठ – 2 कप
मीठ – चिमूटभर
तेल/तूप – 1 टेबलस्पून
पाणी – आवश्यकतेनुसार (मऊ कणीक भिजवण्यासाठी)
सारण (गुळाचे):
गूळ (चिरलेला/किसलेला) – १½ कप
तीळ – ½ कप
वेलदोड्याची पूड – ½ टीस्पून
तूप – १ टेबलस्पून
गुळपोळी कृती
कणीक भिजवणे : गव्हाच्या पिठात मीठ, तेल घालून पाणी टाकत मऊ कणीक भिजवा. ओलसर कापडाखाली 20–30 मिनिटे झाकून ठेवा.
advertisement
सारण तयार करणे : कढईत तीळ मंद आचेवर हलके भाजून घ्या. भाजून घेतल्यावर मिक्सरच्या भांड्यात टाकून त्यात गूळ घालून, वेलची पूड घालून मिश्रण वाटून घ्या.
पोळी बनवणे : कणकेचे गोळे करून त्यात गुळाचे सारण भरा. अलगद पोळी लाटा (जाडसर ठेवा). तव्यावर मध्यम आचेवर दोन्ही बाजूंनी तूप लावून छान भाजून घ्या.
advertisement
सर्व्ह करा : गरमागरम गुळपोळी तूप किंवा दूध/लोणी सोबत द्या.
टीप: हिवाळ्यात ही गुळपोळी शरीराला उष्णता देते आणि संक्रांतीसाठी खास लागते.
view commentsLocation :
Mumbai,Maharashtra
First Published :
Jan 13, 2026 4:02 PM IST
मराठी बातम्या/रेसिपी/
Gulpoli Recipe : मकर संक्रांतीला गुळपोळी हवीच, अशी बनवा सोप्या पद्धतीनं घरीच, रेसिपीचा Video
