संक्रांतीच्या आधी भोगी का साजरी करतात? भोगीच्या भाजीची परंपरा काय? Video

भोगी या शब्दाचा अर्थ उपभोग घेणे असा होतो. या काळात हंगामानुसार विविध भाज्या येतात आणि त्यांचे सेवन आरोग्यासाठी फायदेशीर ठरते. या भाज्यांची एकत्रित भाजी तयार केली जाते, जी भोगीची भाजी म्हणून ओळखली जाते आणि ती तीळ लावलेल्या बाजरीच्या भाकरीसोबत खाल्ली जाते.

भोगीच्या दिवशी केली जाणारी भोगीची भाजी केवळ परंपरेसाठी नाही, तर आरोग्यासाठीही खूप फायदेशीर आहे. हंगामी भाज्या आणि डाळी एकत्र करून बनवलेली ही भाजी शरीराला आवश्यक पोषण देते. हिवाळ्यात शरीरात निर्माण होणारा कफ कमी होतो, पचनशक्ती सुधारते आणि रोगप्रतिकारक शक्ती वाढते, असे अनेक फायदे ही भाजी खाल्ल्यामुळे होतात. त्यामुळे भोगीच्या दिवशी या हंगामी भाज्यांचे सेवन न करणारी व्यक्ती आरोग्यासाठी उपयुक्त गोष्टींपासून वंचित राहते, असे मानले जाते. ‘जो न खाई भोगी, तो सदा रोगी’ अशी म्हणही प्रचलित आहे.