मार्गशीर्ष महिन्यात उपवासाला बनवा साबुदाणा मिल्कशेक, झटपट तयार होते रेसिपी Video

डोंबिवली : मार्गशीर्ष महिना सुरू आहे. त्यामुळे अनेक जणी गुरुवारच व्रत करतात. यावेळेला साबुदाण्याची खिचडी खाण्याला अनेक जण प्राधान्य देतात. साबुदाण्याची खिचडी बनवताना तेलाचे प्रमाण खूप जास्त असल्यामुळे अनेक जणांना त्याचा त्रास होतो. त्यामुळे केळी, दूध आणि साबुदाणे यांचे मिश्रण करून साबुदाणा मिल्कशेक घरीच कसा करायचा? याची रेसिपी डोंबिवली गृहिणी शीतल पाटील यांनी सांगितली आहे. 

तीन मोठी केळी, एक वाटी दूध, एक वाटी भिजवलेले साबुदाणे, एक वाटी साखर हे साहित्य लागेल.

सर्वप्रथम केळी व्यवस्थित सोलून बारीक करून घ्या. त्यानंतर केळी आणि भिजवलेले साबुदाणे मिक्सरमध्ये एकत्र करून घ्या. हे केळी आणि भिजवलेले साबुदाणे अगदी बारीक करू नये थोडी भरड ठेवावी. आता एका भांड्यामध्ये तुम्हाला हवी तेवढी साखर घेऊन त्यामध्ये दूध घाला आणि साखर आणि दूध व्यवस्थित एकजीर्ण करून घ्या. आता या साखर आणि दुधामध्ये उरलेले भिजवलेले साबुदाणे मिक्स करा. या मिश्रणात आता केळी आणि साबुदाणे यांचा मिक्सरमध्ये केलेलं मिश्रण घाला. पुन्हा सगळं साखर विरघळेपर्यंत व्यवस्थित मिक्स करून घ्या. साखरेचे प्रमाण हे तुमच्या अंदाजाप्रमाणे घ्या कारण अनेकांना साखर जास्त लागते तर काहींना कमी. आता सगळं मिश्रण व्यवस्थित मिक्स करून घ्या.