उन्हाळ्यात जेवणासोबत काही तरी थंड हवं! मग घरीच बनवा स्पेशल कोशिंबीर VIDEO

कोशिंबीर तयार करण्यासाठी एक मोठा आकाराचा कांदा, एक टोमॅटो, एक मध्यम आकाराची काकडी, एक मध्यम आकाराचे गाजर आणि दोन हिरव्या मिरच्या, कोथिंबीर, वाटीभर दही, आवश्यकतेनुसार मीठ आणि साखर इत्यादी साहित्याची आवश्यकता कोशिंबीर तयार करण्यासाठी असते.

सर्वप्रथम कांदा, काकडी, गाजर, टोमॅटो, हिरवी मिरची, कोथिंबीर इत्यादी साहित्य चाकूच्या सहाय्याने अत्यंत बारीक कापून घ्यावे. यानंतर वाटीभर दही व्यवस्थित मिक्स करून घ्यावे. या दह्यामध्ये चवीपुरतं मीठ आणि आवश्यकतेनुसार साखर घालावी. हे मिश्रण एकजीव करून घ्यावं. यानंतर चिरलेला कांदा, टोमॅटो, काकडी, गाजर, हिरवी मिरची आणि बारीक चिरलेली कोथिंबीर हे सर्व साहित्य या मिश्रणात घालावे. हे सर्व मिश्रण चमच्याच्या सहाय्याने एकजीव करून घ्यावे. यानंतर अर्ध्या तासापर्यंत फ्रीजमध्ये ठेवावे.