'मोदक वळता येत नाहीत?' टेन्शन सोडा, साच्याशिवाय कळ्या पाडण्याच्या 'या' ट्रिक तुमच्या कामाच्या

मुंबई : बाप्पाचे आगमन असो किंवा संकष्टी चतुर्थी महाराष्ट्रात नैवेद्यासाठी 'उकडीचे मोदक' हा अग्रस्थानी असतो. पण, उकडीचे मोदक बनवणं ही एक कला आहे आणि ती प्रत्येकालाच जमेल असं नाही. विशेषतः मोदकाला सुंदर कळ्या पाडणं हे अनेकींसाठी मोठं आव्हान असतं. हात वळत नाही, कळ्या सारख्या येत नाहीत किंवा मोदक फुटतो, अशा तक्रारी नेहमीच ऐकायला मिळतात.