शेपूची भाजी आवडत नाही? मग अशी बनवा चविष्ट वडी, Video

शेपूची वडी बनवण्यासाठी घरातील साहित्य आवश्यक आहे. त्यासाठी स्वच्छ धुवून बारीक चिरून घेतलेली शेपूची भाजी, तांदळाचे पीठ, बेसन पीठ हे साहित्य लागेल. तसेच हिरव्या मिरचीची पेस्ट, आलं-लसूण पेस्ट, हळद, मीठ, धने पूड, जिरेपूड, लिंबू, तेल, तीळ आणि ओवा हे सुद्धा आवश्यक आहे.

सर्वप्रथम एका मोठ्या भांड्यात शेपूची बारीक चिरून घेतलेली भाजी घ्या. त्यात तांदळाचे पीठ, बेसन, हिरव्या मिरचीची पेस्ट, आले-लसूणची पेस्ट, तीळ, ओवा, चवीनुसार हळद, मीठ, धने, जिरेपूड हे एकत्र करून भिजवून गोळा बनवून घ्यायचा आहे. गरज असल्यास आणखी बेसन किंवा गरज वाटल्यास पाणीही ऍड करू शकता. गोळा भिजवून झाल्यानंतर दोन समान भागात लांबुळके गोळे बनवून दोन्ही साईडला चपटे करून घेऊन कढईत पाण्यावर चाळणी ठेवून वाफवून घ्यायचे आहे. जेणेकरून वडी पाडण्यास सोपे जाईल.