पुण्याच्या भीमथडी यात्रेत गुजराती हांडवो खाल्ला का? घरीच बनवू शकता स्पेशल रेसिपी

गुजराती हांडवो ही रेसिपी अगदी सोपी आहे. यामध्ये वेगवेगळ्या डाळी एकत्रित करून तो बनवला जातो. तांदूळ, उडीद डाळ, तूरडाळ, चणा डाळ, मेथी दाणे, हे सर्व रात्री एकत्रित करून रात्रभर दह्यात भिजत ठेवलं जातं. सकाळी रेसिपी बनवताना किसलेली दुधी, कोथिंबीर, आले-लसूण-मिरची पेस्ट, कडीपत्ता, मीठ, साखर, हळद, मीरपूड, तीखट, तीळ, मोहरी, जिरे, हिंग, सोडा हे सर्व घटक एकत्र करून बनवले जाते. तव्यावर तेल टाकून ते भाजलं जातं. खांडवो अतिशय पौष्टिक असून कुठल्याही वेळेला करून खाऊ शकता. हे बनवण्यासाठी अगदी कमी तेल लागते, अशी माहिती कविता यादव यांनी दिली आहे.