उन्हाळ्यात राहा एकदम फ्रेश, घरीच बनवा टरबूज आणि डाळिंबाचा ज्यूस, Video

छत्रपती संभाजीनगर : उन्हाळा सुरू झाला की थंड काही तरी पिण्याची इच्छा होतेच. बऱ्याचदा बाहेरील थंड पदार्थ घेतल्याने आजारी पडण्याचा धोका असतो. तेव्हा घरातच एखादा आरोग्यदायी ज्यूस बनवणं लाभदायी ठरू शकतं. त्यासाठी टरबूज आणि डाळिंबाचा ज्यूस एक उत्तम पर्याय आहे. आरोग्यासाठी लाभदायी असणारा हा ज्यूस बनवण्याची पद्धत अगदी सोपी आहे. छत्रपती संभाजीनगर येथील मेघना देशपांडे यांनी याबाबत माहिती दिलीय.

टरबूज आणि डाळिंब बारीक केल्यावर त्यांचा रंग बदलतो. त्यामुळे यात बिटाचा वापर केला जातो. तसेच आपल्याला ज्यूस गोड हवा असेल तर काही प्रमाणात साखर घातली तरी चालेल. मिक्सर मधून हे सर्व साहित्य काढून घेतल्यानंतर ते गाळून घ्यायचं. त्यामुळे त्यात कोणताही बी राहत नाही. सर्व्ह करण्यासाठी एका ग्लासमध्ये थोडेसे आईस क्यूब टाकायचे. त्यानंतर हे तयार केलेलं सर्व ज्यूस त्यामध्ये टाकायचं. त्यात सोडा किंवा इतर कोल्डड्रिंक घालायचं. चव येण्यासाठी थोडासा चाट मसाला टाकायचा. अशा सोप्या पद्धतीने ही खास रेसिपी झटपट बनवता येते, असे देशपांडे सांगतात.