उन्हाळ्यात बनवा चटपटीत काकडी चाट, अगदी 5 मिनिटांत रेसिपी तयार, Video

साल काढून घेतलेल्या दोन हिरव्या काकड्या, बारीक चिरलेला कांदा, बारीक चिरलेला टोमॅटो ,बारीक चिरलेली थोडीशी कैरी, तिखट, मीठ, चाट मसाला, ऑरगॅनो, जिरे पावडर, बारीक शेव आणि कोथिंबीर. या साहित्यात चटपटीत चाट तयार करता येते.

सर्वप्रथम काकडी स्वच्छ धुवून तसेच साल काढून घ्यावी. त्यानंतर काकडीचे मधून दोन उभे भाग करावे. आता काकडीच्या आतील बियांचा गर हलक्या हाताने खरवडून चमच्याने काढून घ्यायचा आहे. आता एका बाऊलमध्ये काकडीचा काढलेला गर, बारीक चिरलेला टोमॅटो आणि चवीनुसार तिखट, मीठ, चाट मसाला, ऑरीगॅनो, जिरे पावडर घालून कुसकरून एकत्र करून घ्यायचे. आता हे मिश्रण आपण पोकळ केलेल्या काकडीमध्ये घालायचे आहे, म्हणजेच भरायचे आहे. त्यावर शेव आणि कोथिंबीर घालून थंडगार काकडी सर्व्ह करायची आहे.