विदर्भात घरोघरी कशी बनते पुरणपोळी? होळीसाठी पाहा सोपी रेसिपी, Video

वर्धा: आपल्याकडे कोणताही सण म्हटलं की घरोघरी पुरणपोळी बनवली जाते. प्रत्येक भागात पुरणपोळी बनवण्याची पद्धत वेगळी आहे. विदर्भातील पुरणपोळीही प्रसिद्ध आहे. आता होळीनिमित्त नैवद्यासाठी पुरणपोळी बनवली जाते. अगदी कमी कणिक आणि जास्त पुरण वापरून बनवली जाणारी ही पुरणपोळी चवीला उत्तम असते. त्यामुळे यंदा होळीसाठी आपणही विदर्भातील ही पुरणपोळीची रेसिपी बनवू शकता. वर्धा येथील शिक्षिका वर्षा भोयर यांनी ही रेसिपी सांगितली आहे.

आता एका कढईत चमचाभर साजूक तूप घालून त्यात हे मिश्रण आळवून घ्या. त्याचा रंग छान लालसर येईपर्यंत सतत चमच्याने ढवळत राहा. गॅस बंद करून थंड होण्यासाठी ठेवा. वेलची पूड ऍड करा आणि मिश्रण थंड झाल्यानंतर पुरणाचे गोळे तयार करा. कणिक थोडं चिमूटभर मीठ घालून पाण्याने सैलसर, मऊ भिजवून घ्या. आता कणकेची छोटी पोळी करून त्यात पुरणाचा गोळा ठेऊन पॅक करून घ्या. कणकेच्या सहाय्याने पोळी लाटून घ्या किंवा हाताने थापून घेतली तरी चालेल. तव्यावर थोडं तूप लावून त्यात पोळी टाकून छान शिजू द्या. दोन्ही बाजूने पोळी परतून घ्या. अशाप्रकारे पुरणाची पोळी खाण्यासाठी तयार आहे.

विदर्भात बनवली जाणारी ही पुरणपोळी आपणही घरी ट्राय करू शकता.