उन्हाळ्यात चविष्ट आणि झडपट रेसिपी हवीये? मग लगेच ट्राय करा विदर्भस्टाईल कळणा!

अमरावती: उन्हाळ्यामध्ये वर्षभर साठवून ठेवण्यासाठी अनेक खाद्यपदार्थ बनवले जातात. त्यातीलच एक म्हणजे तुरीची डाळ. वर्षभर साठवण्यासाठी उन्हाळ्यात तुरीची डाळ ग्रामीण भागात आजही घरीच बनवली जाते. ती डाळ बारीक करताना त्यात बारीक कण राहतात. त्याला विदर्भात कळणा म्हणून ओळखले जाते. उन्हाळ्यात अनेक काम करून महिलांना थकवा येतो. त्यामुळे कमीत कमी वेळात काय बनवायचं? तर तेव्हा चविष्ट आणि झटपट होणारा कळणा बनवला जातो. कळणा कसा बनवायचा? याची रेसिपी अमरावतीमधील वृषाली भुजाडे यांनी दिली आहे.