Skin Care : फेस वॉशऐवजी करा नारळ तेलाचा, दह्याचा वापर, नैसर्गिक उपायांनी चेहरा दिसेल सतेज
- Published by:Renuka Joshi
Last Updated:
काही वेळा, चेहऱ्यावर डाग तसेच राहतात. महागडे फेस वॉश आणि क्रीम्सनं यावर उत्तर मिळतंच असं नाही. चेहऱ्यावरची चमक राहावी यासाठी, दोन घरगुती पदार्थांची मदत होईल.
मुंबई : चेहरा फ्रेश दिसावा म्हणून तुम्ही क्रिम, फेस वॉश वापरता का ? चेहरा सतेज दिसावा म्हणून डॉ. उपासना यांनी दोन नैसर्गिक उपाय सांगितलेत.
काही वेळा, चेहऱ्यावर डाग तसेच राहतात. महागडे फेस वॉश आणि क्रीम्सनं यावर उत्तर मिळतंच असं नाही. चेहऱ्यावरची चमक राहावी यासाठी, दोन घरगुती पदार्थांची मदत होईल.
डॉ. उपासना यांनी इन्स्टाग्रामवर एक व्हिडिओ शेअर केला आहे, ज्यात त्यांनी फेस वॉशऐवजी दही आणि खोबरेल तेल वापरून त्वचेची निगा कशी राखायची हे सांगितलं आहे.
advertisement
डॉ. उपासना यांनी फेस वॉशऐवजी दही वापरण्याचा पर्याय दिलाय. चेहरा थोड्या दह्यानं धुतला तर डाग कमी होण्यास मदत होऊ शकते असं त्यांनी या पोस्टमधे म्हटलंय.
आरोग्य, चव आणि सौंदर्य वाढवण्यासाठी दह्याचा अनेक प्रकारे वापर केला जाऊ शकतो. दह्यातील लॅक्टिक ॲसिड त्वचेला एक्सफोलिएट करते, मृत त्वचा काढून टाकतं आणि आर्द्रता पुरवतं, ज्यामुळे त्वचा मऊ आणि चमकदार होते.
advertisement
चेहरा चमकदार आणि निरोगी ठेवण्यासाठी, डॉ. उपासना झोपण्यापूर्वी चेहऱ्याला खोबरेल तेल लावण्याचा सल्ला देतात. चेहऱ्याला दररोज खोबरेल तेल लावल्यानं त्वचेला खोलवर ओलावा मिळतो, कोरडेपणा कमी होतो, काळे डाग आणि सुरकुत्या कमी होतात, आणि चेहऱ्यावर तेज येतं.
advertisement
तुम्हाला कोणत्याही प्रकारची अलर्जी असेल तर आधी पॅच टेस्ट करुन पाहा.
Location :
Mumbai,Maharashtra
First Published :
Mar 23, 2026 7:55 PM IST
मराठी बातम्या/लाइफस्टाईल/
Skin Care : फेस वॉशऐवजी करा नारळ तेलाचा, दह्याचा वापर, नैसर्गिक उपायांनी चेहरा दिसेल सतेज
