Food Tips : उन्हाळ्यासाठी खास चटणी, कैरी - कांद्याच्या चवीनं येईल जिभेला चव, जेवणाची वाढेल रंगत
- Published by:Renuka Joshi
Last Updated:
उन्हाळ्यात, अनेकदा काहीतरी चटपटीत खाण्याची इच्छा होते. त्यासाठी कैरी कांद्याची चटणी असेल तर दोन घास जास्त जातील. कैरीची ताजी आणि आंबट चव आणि कच्च्या कांद्याचा सौम्य तिखटपणा आणि गुळ या सगळ्याची चव खूप मस्त लागते. कच्चा कांदा आणि पुदिन्यामुळे थंडावा मिळतो आणि उन्हाळ्यात उष्णतेपासून आपलं संरक्षण होतं.
मुंबई : उन्हाळा म्हटलं की कैरी आलीच. कैरीचं पन्हं, कैरीची चटणी, कैरीचं लोणचं अशा सगळ्याची तयारी घराघरात सुरु असते. आंबट गोड कैरीची आणि कांद्याची चटणी हादेखील एक मस्त पर्याय आहे.
उन्हाळ्यात, अनेकदा काहीतरी चटपटीत खाण्याची इच्छा होते. त्यासाठी कैरी कांद्याची चटणी असेल तर दोन घास जास्त जातील. कैरीची ताजी आणि आंबट चव आणि कच्च्या कांद्याचा सौम्य तिखटपणा आणि गुळ या सगळ्याची चव खूप मस्त लागते. कच्चा कांदा आणि पुदिन्यामुळे थंडावा मिळतो आणि उन्हाळ्यात उष्णतेपासून आपलं संरक्षण होतं.
advertisement
एक मध्यम आकाराची कैरी साल काढून बारीक चिरुन घ्या. एक मोठा कांदा बारीक चिरुन घ्या. दोन ते तीन हिरव्या मिरच्या, गूळ किंवा साखर: दोन-तीन मोठे चमचे, ताजी पुदिन्याची पानं अर्धी वाटी, भाजलेल्या जिऱ्याची पूड अर्धा छोटा चमचा. चवीनुसार काळं मीठ आणि साधं मीठ असं साहित्य चटणीसाठी लागेल.
प्रथम, कैरी आणि कांदा स्वच्छ धुवून त्यांची साल काढा आणि लहान तुकडे करा. पुदिन्याची पानं स्वच्छ पाण्यानं धुवा. कापलेली कैरी, कांदा, हिरव्या मिरच्या आणि पुदिन्याची पानं मिक्सरच्या जारमधे एकत्र करा. गोडव्यासाठी त्याच जारमधे गूळ किंवा साखर, भाजलेल्या जिऱ्याची पूड, काळं मीठ आणि थोडं साधं मीठ घाला.
advertisement
हे सर्व साहित्य पाणी न घालता वाटून घ्या. या चटणीची अगदी बारीक पेस्ट बनवू नका. थोडी जाडसर ठेवल्यानं, कांदा आणि कैरीचा कुरकुरीतपणा जाणवेल.
तिखट, गोड-आंबट चटणी काही मिनिटांत तयार होते. हवाबंद काचेच्या बरणीत फ्रिजमधे तीन-चार दिवसांसाठी साठवून ठेवू शकता.
advertisement
Location :
Mumbai,Maharashtra
First Published :
Apr 07, 2026 6:45 PM IST
मराठी बातम्या/लाइफस्टाईल/
Food Tips : उन्हाळ्यासाठी खास चटणी, कैरी - कांद्याच्या चवीनं येईल जिभेला चव, जेवणाची वाढेल रंगत
