Skin care Tips : त्वचेसाठी विषसमान असतात 'हे' 3 पदार्थ, तरी सर्रास खाल्ले जातात! तज्ज्ञांनी दिली धक्कादायक माहिती

या व्हिडिओमध्ये डॉ. पूजा यांनी सांगितले, 'तुमच्या त्वचेसाठी तीन पदार्थ सर्वात वाईट आहेत आणि यातील तिसरा पदार्थ तर तुम्ही रोज खात असतात.' चला पाहूया हे पदार्थ कोणते आहेत.

1. उच्च फ्रुक्टोज कॉर्न सिरप : डॉ. पूजा म्हणतात, 'खरं तर मी त्याला अन्न म्हणणार नाही. ते सोडा, पॅक केलेले ज्यूस, बिस्किटे, सॉस आणि बहुतेक जंक फूडमध्ये असते,' त्यांनी पुढे सांगितले, 'ती खरी साखर नसते. ते कृत्रिम आहे आणि ते नियमित ग्लुकोजपेक्षा तुमच्या त्वचेच्या प्रथिनांना नुकसान पोहोचवण्याची शक्यता 10 पट जास्त असते.'

डॉ. पूजाने पुढे सांगितले, 'उच्च-फ्रुक्टोज कॉर्न सिरपचे एकूण आरोग्यावर अनेक हानिकारक परिणाम होतात. त्वचारोगतज्ज्ञांच्या मते, ते AGEs म्हणजेच अ‍ॅडव्हान्स्ड ग्लायकेशन एंड प्रॉडक्ट्स तयार करते, जे त्वचेतील कोलेजन नष्ट करते. यामुळे त्वचा कडक होते, सुरकुत्या जलद तयार होतात आणि ते तुमचे यकृत देखील खराब करते.'

2. वारंवार गरम केलेले रिफाइंड तेल : डॉ. रेड्डी म्हणतात, 'बाहेरचे सामोसा, कचोरीच्या दुकानातील तेल, जे अनेक दिवसांपासून पुन्हा गरम केले जाते. ते खूप हानिकारक असते. जेव्हा जेव्हा ते गरम केले जाते तेव्हा प्रत्येक वेळी तेल तेल तुटते. यामुळे त्यातील संरक्षणात्मक व्हिटॅमिन ई नष्ट होते. जे उरते ते ऑक्सिडाइज्ड फॅट्स असतात, जे तुमच्या त्वचेला आतून सूज येण्यास कारणीभूत ठरतात.'

3. कुरकुरीत तळलेले पदार्थ : हे पदार्थ आपण नियमित खातो. फ्रेंच फ्राईज, भजी आणि चिप्स हे पदार्थ खाताना आपल्या डोक्यात त्वचेचा विचार अजिबात येत नाही. फक्त त्यांची चव आणि ते खाल्ल्यानंतर होणारा आनंद एवढंच काय ते डोक्यात असतं. पण त्वचारोगतज्ज्ञांच्या मते, क्रंच जितके जास्त सोनेरी-तपकिरी असेल तितके जास्त अ‍ॅक्रिलामाइड तयार होते.

डॉ. पूजाने सांगितले, 'तळलेले पदार्थ जितके जास्त गडद रंगाचे आणि कुरकुरीत असतील तितके जास्त त्यामुळे नुकसान होते. याने तुमच्या चेहऱ्यावर वृद्धत्वाची लक्षणे म्हणजेच सुरकुत्या लवकर दिसू लागतात.'

Disclaimer : या बातमीत दिलेली माहिती आणि धार्मिक बाबींशी संबंधित सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणतेही विधी किंवा उपाय करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.