प्रवाशांसाठी सर्वात मोठी बातमी, पुण्यावरून मुंबईला येणाऱ्या सर्व ST बसेस रद्द, कोणकोणत्या फेऱ्या रद्द?

वैभव सोनवणे, प्रतिनिधी, पुणे : मुंबई-पुणे एक्सप्रेसवेवर 18 तासांपासून वाहतूक ठप्प झाली आहे. मुंबई–पुणे एक्सप्रेसवेवरील आडोशी बोगदा परिसरात गॅस टँकर ऊलटून सुमारे २१ तास झाले असले, तरी अद्याप वाहतूक सुरळीत झालेली नाही. या अपघातामुळे एक्सप्रेसवेवर प्रचंड वाहतूक कोंडी निर्माण झाली असून, हजारो प्रवासी तासनतास रस्त्यावर अडकून पडले आहेत. याच पार्श्वभूमीवर एसटी प्रशासनाने पुण्यातून मुंबईला जाणाऱ्या सर्व एस टी बसच्या फेऱ्या रद्द करण्याचा निर्णय घेतला आहे. वाहतूक कोंडी अजूनही कायम असल्याने एसटी प्रशासनाने निर्णय घेतल्याचे सांगितले.