‘ही’ चटणी दूर करेल अनेक आजार; ‘अशी’ बनवा आरोग्यदायी हिरवी चटणी

मुंबई: जंकफूड किंवा खाण्या-पिण्याच्या चुकीच्या सवयींमुळे युरिक ॲसिडचा त्रास सुरू होतो. शरीरात युरिक ॲसिडचे प्रमाण वाढल्यास सांधेदुखी, टाचदुखी आणि आरोग्यासंबंधित अन्य समस्यांना सामोरे जावे लागते. युरिक ॲसिड हा शरीरात एक टाकाऊ पदार्थ असतो, जो प्युरीन नावाच्या रसायनाच्या विघटनाने तयार होतो. घाण किंवा टाकाऊ पदार्थ किडनी फिल्टर करून शरीराबाहेर टाकते. पण जेव्हा किडनी नीट काम करत नाही, तेव्हा ते सांध्याभोवती क्रिस्टल्सच्या स्वरूपात जमा होऊ लागते. शरीरात युरिक ॲसिडचे प्रमाण वाढल्यामुळे सांधे दुखणे, सूज येणे, चालताना पाय दुखणे असे त्रास सुरू होतात.अशावेळी युरिक ॲसिडवर नियंत्रण ठेवणे खूप महत्त्वाचे असते. शरीरातील युरिक ॲसिडची पातळी नियंत्रित ठेवण्यासाठी तुम्हाला आहार आणि जीवनशैली बदल केले पाहिजे. याशिवाय काही घरगुती उपायांनीही युरिक ॲसिडवर नियंत्रण ठेवता येते.