Mood Boosting Foods: मूड नाहीये; मग ट्राय करा ‘हे’ पदार्थ, लगेच वाटेल फ्रेश, दूर होईल नैराश्य

मुंबई : घर फिरले की घराचे वासे फिरतात ही म्हण आपण जाणतोच. त्याच पद्धतीने एकदा आपला मूड खराब झाला की अनेक गोष्टी नकोशा वाटू लागतात. त्यामुळे नैराश्यामुळे चिडचिडेपणा वाढून रागसुद्धा येऊ शकतो आणि रागाची परिणीती कशात होईल हे सांगणं तसं कठीणच. म्हणून आपण म्हणतो की राग हा वाईट असतो. त्यामुळे तुमचा मूड खराब झाला असेल आणि त्याचं रूपांतर रागात किंवा रौद्रावतारात तुम्हाला करायचं नसेल तर आम्ही सांगतो ते पदार्थ खा म्हणजे तुमचा मूड ठीक होऊ शकेल. कारण काही विशेष खाद्यपदार्थ खाल्ल्याने तुमचा मूडही सुधारू शकतो. मूड चांगला राहण्यासाठी काही जीवनसत्वं आणि संप्रेरकांची म्हणजेच हार्मोन्सची गरज असते. त्यामुळे जाणून घेऊया आपला मूड चांगला राहण्यासाठी कोणते पदार्थ खाणं फायद्याचं ठरू शकतं.