सावधान! प्रदूषण ठरतंय जीवघेणं ; स्मोकिंग न करताही होतोय कॅन्सर, अशी घ्या फुफ्फुसांची काळजी

मुंबई : स्मोकिंग किंवा धुम्रपान करणाऱ्यांना कर्करोग होण्याचा धोका अधिक असतो. सिगारेटच्या पाकिटावर तसा वैधानिक इशाराही दिलेला असतो. मात्र प्रदूषणामुळे तुम्हाला कर्करोग होण्याची भीती निर्माण झालीये. राजधानी दिल्लीत तर श्वास घेणंही कठीण झालंय. अनेकांना श्वसनाच्या तक्रारी जाणवू लागल्या आहेत. दिल्लीमध्ये फुफ्फुसाच्या कर्करोगाचे रुग्ण झपाट्याने वाढत चालल्याचं समोर आलंय. ही परिस्थिती फक्त दिल्लीतली आहे असं नाही. प्रत्येक महानगरांमध्ये प्रदूषण वाढलेलं दिसतंय. त्यातच थंडी सुरू झाल्यामुळे, वातावरण बदलामुळे अनेक जण आजारी पडू लागले आहेत. दिवाळी दरम्यान वाढलेलं प्रदूषण कमी व्हायच्या ऐवजी वाढतानाच दिसत आहे.