flight rates monsoon offer : पावसाळ्यात विमानाच्या तिकिटात भरघोस सूट, विमान कंपन्यांनी दिली ही ऑफर

देशांतर्गत आणि आंतरराष्ट्रीय मार्गांवर एअर इंडिया बिझनेस क्लासमध्ये 70% पर्यंत सूट देत आहे. तसेच नवीन राष्ट्रीय एअरलाइन्सपैकी एक असलेल्या Akasa Air कडून 30 सप्टेंबरपर्यंत सर्व फ्लाइट्सवर 20% सूट दिली जात आहे. मागील महिन्याच्या तुलनेत जूनमध्ये दैनंदिन प्रवाशांच्या संख्येत 5-6% घट झाली आहे आणि एकूण आकडा 4.08 लाखांच्या जवळ आहे. दिल्या जाणाऱ्या या सूटमध्ये बदल होऊ शकतात किंवा मार्गानुसार बदल होऊ शकतात. त्यामुळे तुमच्या मार्गानुसार तिकिटाची किंमत तपासून घ्यावी.

मागच्या वर्षी उन्हाळ्यात विमान तिकीटाच्या दरात विक्रमी वाढ झाली. मात्र, यंदा हे दर सामान्य राहिले. त्यात फारशी वाढ झालेली नाही. नुवामा इन्स्टिट्यूशनल इक्विटीजच्या मते, जूनमध्ये शेड्यूल्ड फ्लाइट्स वार्षिक 8% वाढतील, यामध्ये मार्केट लीडर इंडिगो 9% अधिक फ्लाइट जोडेल. नागरी विमान वाहतूक मंत्रालयाच्या आकडेवारीनुसार, जूनच्या पहिल्या आठवड्यात PLF (पॅसेंजर लोड फॅक्टर) मध्ये घसरण दिसून आली आहे. गेल्यावर्षी जूनमध्ये हे प्रमाण 90 टक्क्यांच्या आसपास होते, मात्र, यंदा ते 81 टक्क्यांवर आले आहेत. त्यामुळे प्रमुख मार्गावरील स्पॉट भाडे कमी करण्यात आले आहे.