खाजगी ट्रॅव्हल्सकडून अधिक तिकिटदर आकारल्या जातंय? कशी कराल तक्रार पाहा Video

दसरा आणि दिवाळी सणासाठी आधीच सर्व एसटी आणि रेल्वेत आरक्षण फुल होते. अशा वेळी ज्या प्रवाशांना ऐनवेळी आपल्या गावाकडे जायचे आहे त्यांच्याकडून तिकिट दुपटीने घेतले जाते आणि नाईलाज म्हणून याच खाजगी ट्रॅव्हल्सने प्रवास करावा लागतो. जर अश्या खाजगी ट्रॅव्हल्सवाले आवाचे सव्वा तिकीट दर आकारत असतील तर तुम्ही तक्रार करू शकता, असं बीड येथील उप प्रादेशिक परिवहन अधिकारी स्वप्निल माने यांनी सांगितले.

कुठला खाजगी ट्रॅव्हल कंपनी जर अधिक भाडे आकारत असेल तर ग्राहकाने तक्रार करता येते. उपप्रादेशिक परिवहन कार्यालयात मौजे घोसापुरी फाटा नांमलगाव जालना रोड, बी येथे करावी किंवा dyrto.23-mh@gov.in किंवा या मेल आयडीवर देखील तुम्ही तक्रार करू शकता आणि तुमच्या तक्रारीचे निवारण अवघ्या काही वेळात करण्यात येईल,असंही स्वप्निल माने यांनी सांगितले.

सध्याच्या घडीला सुरक्षित प्रवास हा खूप महत्त्वाचा भाग बनलेला आहे. ज्यावेळी प्रवासी खाजगी स्लीपर कोचमधून प्रवास करत असतील त्या वाहनांमध्ये अग्निशामक यंत्र आहे का तसेच इमर्जन्सी डोर उपलब्ध आहे का या गोष्टींची चाचपणी करावी. त्यासह एम परिवहन नावाच्या ॲप जर मोबाईलमध्ये डाउनलोड केले तर वाहनाचा नंबर या ॲपमध्ये अपलोड करतात त्या वाहनाचे फिटनेस सर्टिफिकेट दिसून येते आणि त्या खाजगी वाहनाचे फिटनेस सर्टिफिकेट जर ठीक असेल तरच ह्या बसने प्रवास करावा अन्यथा प्रवास करू नये जेणेकरून कुठलीही दुर्घटना घडणार नाही, असं स्वप्निल माने यांनी सांगितले.