नोव्हेंबरनंतर देशातील या शहरात पेट्रोल-डिझेल गाड्यांची विक्री बंद, नेमकं काय होणार?

न्यूज 18च्या टीमने यावेळी चंदीगढ येथील सर्वात मोठी ऑटोमोबाईल कंपनी होंडामध्ये जाऊन याबाबत माहिती घेतली. कंपनीच्या अधिकाऱ्यांनी सांगितले की, त्यांच्यावर इलेक्ट्रिक वाहन धोरण लादले जात आहे. हे धोरण फक्त चंदीगडमध्ये राबवले जात आहे. याअंतर्गत शहरातील दुचाकींच्या नोंदणीचा ​​कोटा केवळ 400 राहिला आहे. तसेच तोसुद्धा या आठवड्यात पूर्ण होणार आहे. त्यानंतर कोणतीही दुचाकी, मग ती बाईक असो की अॅक्टिव्हा, या वाहनांची नोंदणी चंदिगडमध्ये होणार नाही.

ट्राई सिटीमध्ये चंडीगढ व्यतिरिक्त पंचकूला आणि मोहालीपण येते. मात्र, फक्त चंडीगढमध्ये हे धोरण लागू करण्यात येत आहे. याच्याशी संबंधित व्यापाऱ्यांचे म्हणणे आहे की, हा निर्णय त्यांच्यासाठी घातक असेल ज्यामुळे पूर्ण ऑटोमोबाईल कंपन्या उध्वस्त होतील. मागे काही दिवसांपूर्वी ऑटोमोबाईल कंपन्यांच्या प्रतिनिधींची प्रशासनासोबत बैठक झाली होती. मात्र, या बैठकीत कोणताही तोडगा निघाला नाही. ईव्ही पॉलिसीनुसार नॉन इलेक्ट्रिक बाइक्सचा कोटा संपत आहे. त्यामुळे सेक्टर-17 मधील नोंदणी आणि परवाना प्राधिकरणाने (RLA) पेट्रोल बाईकची नोंदणी बंद करण्यात येणार असल्याचे स्पष्ट केले आहे.

आरएलएने असेही म्हटले आहे की, यावर्षी पेट्रोल-डिझेल गाड्यांच्या नोंदणीचा ​​कोटाही केवळ 1802 राहिला आहे. हा कोटा नोव्हेंबरपर्यंत संपणार आहे. 2023-24 या वर्षाच्या ईव्ही धोरणाच्या उद्दिष्टानुसार, शहरात 6202 पेट्रोल दुचाकींची नोंदणी करण्याचे प्रशासनाकडून सांगण्यात आले. यानंतर पेट्रोल बाईकची नोंदणी थांबेल आणि फक्त इलेक्ट्रिक बाइकची नोंदणी केली जाईल.