दिवाळीत फिरण्यासाठी कोकणातील मालवण आहे बेस्ट, काय आहे इथे विशेष?

मुंबई - देशातील पर्यटन स्थळांचा विचार केल्यावर महाराष्ट्रातील कोकणाचा प्रामुख्याने विचार केला जातो. मोठ्या प्रमाणात पर्यटक दरवर्षी कोकणात भेट देतात. आता लवकरच दिवाळीच्या सुट्ट्या लागणार आहेत. त्यामुळे अनेक जण दिवाळीत फिरायला जाण्याचे नियोजन करत असतील. तुम्हीही दिवाळीच्या सुट्ट्यांमध्ये फिरायला जाण्याचे नियोजन करत असाल तर ही बातमी तुमच्यासाठीच आहे. आपण कोकणातील सिंधुदुर्ग जिल्ह्यातील पर्यटनस्थळाबाबत जाणून घेणार आहोत.

पांढरी वाळू, स्वच्छ सुंदर किनारे, नयनरम्य निसर्ग याचा आनंद घ्यायचा म्हटला की, डोळ्यांसमोर कोकणचे चित्र येते. सिंधुदुर्गातील पर्यटन गोव्याच्या तुलनेत पर्यटकांना आकर्षित करणारे आहे. निसर्गाची खाण म्हटल्यावर कोकणाकडे पाहिले जाते. सिंधुदुर्गातील मालवण म्हटल्यावर सिंधुदुर्ग किल्ला हे एक महत्त्वाचे पर्यटनस्थळ आहे. या किल्ल्याला दरवर्षी लाखो पर्यटक भेट देतात.