स्वस्तात मस्त डिझायनर पणत्या, व्हरायटीही भरपूर, मुंबईतील हे मार्केट आहे बेस्ट

मुंबई - दिवाळी आता अवघ्या काही दिवसांवर येऊन ठेपली आहे. दिवाळीमध्ये पणतीला विशेष महत्त्व असते. आपल्या घराजवळ डिझायनर पणत्या असाव्या, आपले घर आपण चांगल्या पणत्यांनी सजवावे, असे सर्वांना वाटते. त्याचमुळे जर तुम्ही मुंबईत राहत असाल आणि तुम्हाला कमी किमतीमध्ये वेगवेगळ्या डिझाईनच्या पणत्या आणि इलेक्ट्रॉनिक लॅम्प पाहिजे असेल, तर मग ही बातमी तुमच्यासाठीच आहे. मुंबईतील कुठल्या मार्केटमध्ये स्वस्त पणत्या मिळतात, हेच आपण आज जाणून घेणार आहोत.

मुंबईतील भुलेश्वर मार्केटमध्ये वेगवेगळ्या डिझाईनचे मातीच्या पणत्या, त्याचप्रमाणे वेगवेगळ्या डिझाईनच्या इलेक्ट्रिक पणत्या, तसेच दिवाळीसाठी लागणारे प्लास्टिकचे तोरण, स्टिकर रांगोळी अगदी स्वस्त दरात मिळतात. भुलेश्वर मार्केटमध्ये डिझायनर पणत्या अगदी 10 ते 25 रुपयांपासून डिझायनर पणत्या मिळतात. तसेच 6 डिझायनर पणत्यांचा सेट 50 रुपयांना मिळतो.