Chikhaldara Tourist Spot: पावसाळ्यात जणू स्वर्गच, 3 हजार फुटावरून अनुभवा चिखलदऱ्याचे नैसर्गिक सौंदर्य, पर्यटकांसाठी खास सेवा सुरू, Video

अमरावती: विदर्भाचे नंदनवन असणाऱ्या मेळघाटमधील चिखलदरा येथे पावसाळ्यात अनेक पर्यटक भेटी देतात. पावसाळ्यात चिखलदरा येथील नैसर्गिक सौंदर्य हे सगळ्यांनाच आकर्षित करण्यासारखं असते. हिरवेगार जंगल, खोल दऱ्या, उंच उंच पहाड आणि रिमझिम पाऊस सुरू असताना त्यातच निसर्गाचा आनंद घेण्यासाठी पर्यटक याठिकाणी येतात. तसेच निसर्गाच्या सानिध्यात सुंदर फोटो क्लिक करण्यासाठी देखील पर्यटकांची गर्दी वाढते. चिखलदरा येथील नैसर्गिक सौंदर्य आता पर्यटकांना एखाद्या पक्षाप्रमाणे जमिनीपासून तीन हजार फूट वर जाऊन बघता येणार आहे. त्यासाठी पॅरामोटरिंगची सुविधा चिखलदरा येथे सुरू करण्यात आली आहे.