Vande Bharat: नांदेड ते मुंबई अवघ्या 9 तासात, वंदे भारतचा मुहूर्त ठरला! वाचा ट्रेनचं संपूर्ण वेळापत्रक

जालना: मराठवाड्यातील रेल्वे प्रवाशांसाठी अत्यंत आनंदाची बातमी आहे. काही दिवसांपूर्वी मुंबई ते जालना चालणारी वंदे भारत एक्सप्रेस नांदेड पर्यंत विस्तारण्याचा निर्णय घेतला होता. परंतु, ही रेल्वे नांदेड वरून कधी सुटणार याबाबत अनिश्चितता होती. ही अनिश्चितता आता दूर झाली असून 26 ऑगस्ट हा मुहूर्त ठरवण्यात आला आहे. राज्यसभेचे खासदार आणि भाजपा नेते व माजी मुख्यमंत्री अशोक चव्हाण यांनी ट्विटर भरून यासंबंधीची आनंदवारता शेअर केली आहे. सकाळी पाच वाजता ही ट्रेन नांदेड इथून मुंबईसाठी रवाना होणार आहे.