दरवर्षी सिंहगडावर पर्यटकांची संख्या मोठ्या प्रमाणात वाढत आहे. सुट्टीच्या दिवशी घाटरस्त्यावर प्रचंड वाहतूक कोंडी निर्माण होते. गेल्या दोन पावसाळ्यांत सलग दोन वर्षे अशी वेळ आली की, एका दिवसात तब्बल 12 ते 15 हजार पर्यटक गडावर पोहोचले. यामुळे सुरक्षेच्या समस्या वाढल्या. दोन वेळा दरड कोसळल्याने पर्यटक गडावर अडकले होते. या पार्श्वभूमीवर पर्यटकांच्या सुरक्षिततेसाठी आणि गर्दीवर नियंत्रणासाठी ऑनलाइन नोंदणीची प्रणाली लागू करण्याचा निर्णय घेण्यात आला आहे.