32 देश आणि 30 हजार किलोमीटर आणि 120 दिवस! पुणेकर कुटुंब कारनं गाठणार लंडन
- Published by:News18 Marathi
Last Updated:
पुण्यातलं सोनावणे कुटुंब कारनं लंडनपर्यंत प्रवास करणार आहे.
पुणे, 1 सप्टेंबर : पर्यटन हा आता छंद राहिला नसून तो अनेक कुटुंबातील आवश्यक भाग बनलाय. वर्षाला ठराविक दिवस बाहेरगावी जाणाऱ्यांची संख्या सातत्यानं वाढतीय. एखाद्या ठिकाणाचा अभ्यास करणे, नवीन ठिकाण पाहणे, मुड फ्रेश करणे यासह अनेक वेगवेगळ्या उद्देशानं पर्यटन करण्यात येते. पुणे जिल्ह्यातलं एक कुटुंब पिंपळे निलख ते लंडन असा प्रवास कारनं करणार आहे. तब्बल 32 देशांमधून ते हा प्रवास करणार असून या प्रवासासाठी त्यांचा खास उद्देश आहे.
काय आहे उद्देश?
पिंपरी चिंचवड जवळचे पिंपळे निलखमध्ये राहणारे विवेक सोनावणे आणि कुटुंब हा प्रवास करणार असून त्यासाठी ते लंडनच्या दिशेनं निघालेत. मुळचे लोणावळाचे असणारे विवेक हे व्यवसायानं इंजिनिअर आहेत. 'वसुधैव कुटुंबकम' म्हणजेच 'विश्व हे एक कुटुंब' आहे. ते नेहमी एक राहिले पाहिजे हा संदेश देण्यासाठी ते हा प्रवास करणार आहेत.
advertisement
भारतीय संस्कृतीचं दर्शन या प्रवासातून करणार असल्याचं त्यांनी सांगितलं. विवेक सोनावणे यांच्यासह सुनिता सोनावणे, ओमकार सोनावणे आणि आयुष सोनावणे हे त्यांच्या कुटुंबातील सदस्यही हा प्रवास करणार आहेत.
कसा करणार प्रवास?
view commentsसोनावणे कुटुंब हे 120 दिवसांमध्ये तब्बल 30 हजार किलो मीटर रस्त्यानं प्रवास करणार आहे. दुबई, इराण, तुर्की, बल्गेरिया, डेन्मार्क, जर्मनी, स्विझरलँड, इटली, फ्रान्स आणि इंग्लंड या प्रमुख देशांमधून ते प्रवास करणार आहेत. यामध्ये ते तीन वेळा बोटीतून आणि एकदा पानबुडीतूनही प्रवास करणार असल्याची माहिती सोनावणे यांनी दिली. या पद्धतीनं प्रवास करणारं आपलं पहिलं मराठी कुटुंब आहे, असा दावा त्यांनी केला.
Location :
Pune,Maharashtra
First Published :
Sep 01, 2023 2:58 PM IST
मराठी बातम्या/लाइफस्टाईल/Travel/
32 देश आणि 30 हजार किलोमीटर आणि 120 दिवस! पुणेकर कुटुंब कारनं गाठणार लंडन
