श्रावणात करा एसटी संगे तीर्थाटन! अर्ध्या तिकीटात त्र्यंबकेश्वर, सप्तशृंगी गडावर देवदर्शन

नाशिक: हिंदू धर्मात श्रावण महिना अत्यंत पवित्र मानला जातो. याच महिन्यात निसर्गही बहरलेला असतो. त्यामुळे अनेकजण धार्मिक आणि निसर्ग पर्यटनासाठी बाहेर पडतात. धार्मिक दृष्ट्या महत्त्वाच्या असणाऱ्या श्रावणात अनेकांची पाऊले हळूहळू महादेवाच्या तीर्थक्षेत्रांकडे वळतात. त्यामुळे भाविकांच्या सेवेसाठी महाराष्ट्र राज्य परिवहन महामंडळाने 'एसटी संगे तीर्थाटन' ही खास योजना सुरू केलीय. त्याचा फायदा अनेकांना होणार आहे.