विकेंडला करा खास टूर, अमरावतीमध्ये 2 दिवसात काय-काय फिरू शकता, पाहा VIDEO

अमरावती : अमरावतीला विदर्भाची सांस्कृतिक राजधानी म्हणून ओळखले जाते. ऐतिहासिक दृष्ट्या सुद्धा अमरावती जिल्हा प्रचलित आहे. विकेंडमध्ये फिरायला जाण्यासाठी अमरावतीमध्ये अनेक स्थळ आहेत. ज्याठिकाणी जावून तुम्ही नवनवीन गोष्टींची माहिती सुद्धा घेऊ शकता आणि एन्जॉय सुद्धा करू शकता. त्यापैकी एक म्हणजे अमरावतीमधील तिवसा तालुक्यातील मोझरी गाव. वंदनीय राष्ट्रसंत तुकडोजी महाराजांची कर्मभूमी असलेलं तिवसा तालुक्यातील मोझरी हे गाव जगाच्या इतिहासात सुद्धा अजरामर झालेल आहे. वंदनीय राष्ट्रसंत तुकडोजी महाराजांची समाधी, प्रार्थना मंदिर, राम कृष्ण हरी मंदिर दास टेकडी आणि बरच काही मोझरी येथे बघण्यासारखं आहे.

मोझरी या गावाबाबत तेथील सरपंच सुरेंद्र भिवगडे लोकल 18 शी बोलताना सांगितले की, राष्ट्रसंत तुकडोजी महाराज यांचे मत असे होते की, गोरगरीब जनता ही मथुरा, वृंदावन, काशी, पंढरपूर या ठिकाणी जाऊ शकत नाही. म्हणून त्यांनी विश्व मानव मंदिर, राम कृष्ण हरी मंदिराची स्थापना केली. म्हणजेच गोरगरीब लोकांची काशी ही मोझरी येथेच असावी तिथेच त्यांनी दर्शन घ्यावे, असे त्यांनी सांगितले.

त्यानंतर त्याच मंदिराच्या पुढे महाराजांची समाधी आहे. जिथे सुद्धा तुम्ही दर्शन घेऊ शकता. समाधीच्या बाजूला महाराजांचा गाडीच्या पार्ट पासून बनवलेला भव्य पुतळा सुद्धा आहे. तेथील सर्व परिसर बघितल्या नंतर तुम्ही राम कृष्ण हरी मंदिर दास टेकडी येथे जाऊ शकता.