Green chilli Benefits: काय सांगता? डायबिटीस आणि हार्ट ॲटॅकवर गुणकारी आहे हिरवी मिरची, रोज खाल्ल्याने होतील ‘इतके’ फायदे

मुंबई : दिसायला हिरवीगार आणि चवीला तिखट असणाऱ्या मिरचीचा वापर गेल्या अनेक शतकांपासून स्वयंपाकघरात विविध खाद्यपदार्थ आणि जेवणात केला जातो. मिरचीचा तिखटपणा काहींना इतका आवडतो की ते मिरची सहजपणे चावून खाऊ शकतात. जेवणाव्यतिरिक्त मिरचीपासून ठेचा, भजी, लोणचं इत्यादी पदार्थ बनवले जातात. मिरचीचे अनेक प्रकार आहेत. इतकच काय ज्या हिरव्या मिरचीबद्दल आपण चर्चा करतो आहोत त्या हिरव्या मिरचीचे लवंगी मिरची, ज्वाला मिरची, भावनगरी मिरची, दल्ले खुर्सानी मिरची, कंठारी मिरची, बोरिया मिरची,सिमला मिरची, पोपटी मिरची (पोपटी रंगाची कमी तिखट मिरची) असे वेगवेगळे प्रकार आहेत. दल्ले खुर्सानी मिरची तर भारताशिवाय नेपाळमध्येही लोकप्रिय आहे. तिथेही या मिरचीचं उत्पादन घेतलं जातं.