Curd vs Yogurt : दही आणि योगर्टमध्ये नेमका फरक काय? कसं बनवलं जात, न्यूट्रिशनिस्टने सांगितला 'तो' एक फरक

दही घरात बनवले जाते. कोमट दुधात थोडे जावण (आधीचे दही) टाकून ते रात्रभर आंबवले जाते. दही बनवताना दुधामध्ये आधीपासून असलेले किंवा जावणातील नैसर्गिक बॅक्टेरिया वापरले जातात. योगर्ट मात्र व्यावसायिक पद्धतीने बनवले जाते. त्यासाठी दुधामध्ये काही विशिष्ट बॅक्टेरियाचे कल्चर टाकले जातात. तसेच योगर्ट बनवताना त्यातले पाणी गाळून घेऊन त्याच्यावर वजन ठेवून अन्यथा त्याला कपड्यात बांधून रात्रभर लटकवून ठेवले जाते.

दह्यामध्ये विविध प्रकारचे नैसर्गिक जीवाणू असतात. त्यामुळे प्रत्येक वेळी बनवलेल्या दह्याची चव आणि पोत थोडी वेगळी असू शकते. योगर्टमध्ये मात्र विशिष्ट आणि नियंत्रित बॅक्टेरिया वापरले जातात, ज्यामुळे ते अधिक स्थिर आणि फायदेशीर असते. म्हणूनच, योगर्टला प्रोबायोटिक फूड म्हटले जाते.