Salt : ब्लड प्रेशरच्या रुग्णांनी कोणत्या मिठाचे सेवन करावे? High BP राहील नियंत्रणात

सध्या जगभरात हाय ब्लड प्रेशर ही एक वाढती समस्या आहे. त्यामुळे भारतच नाही तर जगभरातील करोडो लोक त्रस्त आहेत. हाय ब्लड प्रेशरची समस्या असल्यास हृदय रोग, स्ट्रोक आणि किडनी स्टोन अशा समस्या निर्माण होतात. अशातच शरीरातील सोडियमची मात्रा कमी करणे हे महत्वाचे होऊन जाते. अनेकदा लोकांना हाय ब्लड प्रेशर रुग्णांनी कोणते मीठ खावे असा प्रश्न पडतो.

तज्ज्ञ याबाबत सांगतात की, सर्व प्रकारच्या मिठात प्रामुख्याने सोडियम क्लोराईड (NaCl) असते, हा घटक रक्तदाब वाढवतो. अमेरिकन हार्ट असोसिएशनने प्रौढांसाठी दररोज 2,300 मिलीग्रामपेक्षा कमी सोडियम आणि उच्च रक्तदाब असलेल्या लोकांसाठी 1,500 मिलीग्रामपेक्षा कमी सोडियमची शिफारस केली आहे.

सी सॉल्ट : अनेक लोकांचा असा विश्वास आहे की समुद्री मीठ हे टेबल मीठापेक्षा आरोग्यदायी आहे कारण त्यात खनिजे कमी असतात. पण, सोडियमचे प्रमाण दोन्हीमध्ये जवळपास सारखेच असते.

सैंधव मीठ : सैंधव मीठ म्हणजेच रॉक सॉल्ट हे स्वास्थ्यवर्धक मीठ म्हणून ओळखले जाते. हे टेबल मिठापेक्षा कमी शुद्ध असते आणि त्यात सोडियम किंचित कमी असू शकते. परंतु, हा फरक इतका कमी आहे की उच्च रक्तदाबामध्ये याचा विशेष फायदा होत नाही.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)