Nagpur: सगळं प्लॅनिंगने चाललं होतं! शिक्षक Whats App ग्रुपवर उत्तरं पाठवायची आणि.., बारावीच्या परिक्षेतला धक्कायक प्रकार समोर

नागपूर :  विद्यार्थ्यांच्या आयुष्यातला महत्त्वाचा टप्पा समजल्या जाणाऱ्या दहावी आणि १२ ची परीक्षा राज्यात सुरू आहे. आपला विद्यार्थी चांगल्या मार्काने पास व्हावा यासाठी शिक्षकांनी सगळी तयार करून घेतली आहे. पण, नागपूरमध्ये एका खासगी कोचिंग क्लासच्या मास्तराचा कॉपीबाज चेहरा समोर आला आहे. खासगी क्लासमधील या शिक्षक आणि इतर टोळीने १२ ची पेपर फोडला आणि पोरांना व्हॉट्सअप ग्रुपवर पाठवला. एवढंच नाहीतर केमिस्ट्री आणि फिजिक्सनंतर आता गणिताचाही पेपर फुटला असल्याचं समोर आलं आहे. या संपूर्ण रॅकेटचा पर्दाफाश मात्र एका सतर्क शिक्षिकेमुळे झाला.

- २१ सदस्यांचा ‘XII’ व्हॉट्सअप ग्रुप

या प्रकरणात कोचिंग क्लास शिक्षक निशिकांत मुन, एक्सलेंट कोचिंग क्लासचे संचालक मुस्तफा खान, जुनेद मोहम्मद, दिनेश कोटांगले यांच्यासह इतर आरोपींना अटक करण्यात आली आहे. आतापर्यंत 7 आरोपी पोलिसांच्या ताब्यात आहेत. आठव्या आरोपीला ताब्यात घेण्याची प्रक्रिया सुरू आहे. त्यामध्ये एका सरकारी शाळेतील शिक्षकाचाही समावेश असल्याची माहिती समोर आली आहे. मात्र या पेपरफुटीचा मुख्य सूत्रधार अद्याप फरार असून पोलीस त्याचा शोध घेत आहे, अशी माहिती नागपूर विभाग माध्यमिक सचिव डॉ. शिवलिंग पटवे यांनी दिली.

निशिकांत मून हा शिकवणी वर्ग चालवत होता तर फरहान हा तिथे शिक्षक म्हणून काम करीत होता. सिव्हिल लाइन्स येथील सेंट उर्मूला हायस्कूल परीक्षा केंद्रावर हा प्रकार उघड झाला. रसायनशास्त्राच्या पेपरदरम्यान विद्यार्थिनीच्या झडतीत स्मार्टफोन सापडला. व्हॉट्सअॅप ग्रुपवर परीक्षा सुरू होण्यापूर्वीच प्रश्नपत्रिका आमि उत्तरं अपलोड केली होती. यासाठी ‘एक्सआयआय’ नावाच्या २१ सदस्यीय ग्रुप तयार करण्यात आला होता. मोबाईलमध्ये १६ फेब्रुवारीचा भौतिकशास्त्र पेपरही आढळला होता.