Ahilya Nagar: नगर हादरलं! काँग्रेस जिल्हाध्यक्षांचं अपहरण करुन मारहाण, हिंदुत्ववादी कार्यकर्त्यांवर गंभीर आरोप

अहिल्यानगर: नगर जिल्ह्यातील श्रीरामपूरमध्ये आज सकाळी घडलेल्या धक्कादायक प्रकारामुळे राजकीय वातावरण तापलं आहे. काँग्रेसचे जिल्हाध्यक्ष सचिन गुजर यांचे अपहरण करून मारहाण केल्याची गंभीर घटना समोर आली आहे. पालिका निवडणुकांच्या पार्श्वभूमीवर सुरू असलेला आरोप–प्रत्यारोपाचा सिलसिला आता प्रत्यक्ष हिंसाचारात उतरल्याचे चित्र दिसून आले आहे.  या घटनेनंतर काँग्रेस आक्रमक झाला असून कार्यकर्त्यांनी आंदोलन करत संताप व्यक्त केला आहे. या प्रकरणातील दोषींना अटक करून कारवाईची मागणी काँग्रेसने केली आहे.