अहिल्यानगर जिल्ह्यात दादा भुईसपाट, काकांचाही सुपडा साफ, एकही नगराध्यक्ष नाही

हरीश दिमोटे, प्रतिनिधी अहिल्यानगर: एकेकाळी अहिल्यानगर जिल्हा हा राष्ट्रवादी काँग्रेसचा बालेकिल्ला समजला जात होता. जिल्ह्यातील निम्म्यापेक्षा अधिक आमदार राष्ट्रवादी काँग्रेसचे असायचे. सगळा जिल्हा राष्ट्रवादीमय असल्याचं चित्र दिसायचं. पण आता राष्ट्रवादी काँग्रेसमध्ये फूट पडल्यानंतर नगरमध्ये राष्ट्रवादीचे दोन्ही गट बॅकफुटला गेले आहेत. स्थानिक स्वराज्य संस्थांच्या निवडणुकांमध्ये एकाही ठिकाणी शरद पवार किंवा अजित पवार गटाला बाजी मारता आली नाही. त्यामुळे एकेकाळी राष्ट्रवादीमय असणारा हा जिल्हा आता राष्ट्रवादी मुक्त जिल्हा असल्याचं दिसून आलं आहे.