Snake News: पिवळ्या ठिपक्यांचा कवड्या, शिर्डीत आढळला अत्यंत दुर्मिळ साप, तुम्ही पाहिलाये का?

पिवळ्या ठिपक्यांचा कवड्या साप हा निशाचर, शांत व लाजाळू मानला जातो. कवड्या सापाच्या तुलनेत याची संख्या खूपच कमी असल्याने क्वचितच दिसतो. शांत स्वभाव असल्याने क्वचित प्रसंगीच चावतो, असे या सापाचे वर्णन आहे. कवड्या सापाला अनेकवेळा मण्यार सापासोबत गोंधळात आणले जाते, पण तो बिनविषारी असतो. त्यामुळे त्याला ओळखणे महत्त्वाचे आहे. काही ठिकाणी हा साप दुर्मिळ मानला जातो आणि त्यामुळे तो निसर्गप्रेमींसाठी विशेष आकर्षण असतो, असेही सर्पमित्र संदीप खिरे यांनी सांगितले.