पुण्यातील लाडकी बहीण सगळ्यांसमोर बोलली, अजितदादांच्या जिव्हारी लागलं, सहाव्या दिवशी प्रत्युत्तर

नागपूर : पुणे शहरातील मुंढवा केशवनगर परिसरातील नागरिकांना मोठ्या प्रमाणावर वाहतूक कोंडीचा सामना करावा लागतो. त्यामुळे नागरिक अक्षरश: त्रस्त झालेले आहेत. नागरिकांच्या रोषाची दखल घेऊन प्रत्यक्षात पाहणीसाठी गेलेले राज्याचे उपमुख्यमंत्री अजित पवार यांनाही एका भगिनीने दिवंगत नेते मनोहर पर्रीकरांसारखे दुपारच्या वेळेत वाहतूक कोंडीतून फिरा, म्हणजे आमच्या अडचणी कळतील, असा उपरोधिक सल्ला दिला. भगिनीने सगळ्यांसमोर दिलेला सल्ला अजित पवार यांच्या चांगलाच जिव्हारी लागला. अजित पवार यांनी तब्बल सहा दिवसांनंतर उपरोधिक सल्ल्यावर प्रत्युत्तर दिले.